عندما قرأت هذه التدوينة..تذكرت موقف حدث لي من 3 سنوات..صديق ألماني..دبلوماسي..كان ظريف بس برضو يعني كتره خنقة..يعني كان ممكن نتقابل مرتين في الاسبوع أو كل اسبوع مرة تكون كفاية...وكان خلاص هيرجع ألمانيا..وتحججنا أنا وصديقاتي الأتنين ولم نذهب لحفلة وداعه..اكتفينا بمكالمة تليفونية...وفي اليوم التالي وصلنا خبر انه "أعطى لنفسه الموت" الحقيقة أنا اتخضيت كده واتخطفت..يعني لو كنا رحنا امبارح واتكلمنا معاه..هل كان ممكن نغير من فكرته أو على الأقل نعرف هو كان مكتئب ليه؟ ولسه بنسأل نفسنا هو ليه عمل كده، إيه إللي حصل..مع إن كل إللي راحوا الحفلة قالوا انه كان طبيعي جدا.