تعليق عن حصر المدونات مالوش دعوة بنتائج البحث

 

حلقة المدونين المصرية لا تقبل اضافات جديدة بقالها شوية و السبب غير معروف

 

مجمع منال و علاء يتم ادارته بطريقة يدوية سيئة للغاية و بالتالي في مدونات كتييييير غير مسجلة به (أسفين يا جماعة و وعد هنلم نفسنا قريب)

 

كان حلمي و ربما أخرين  بيفلوا النت بشكل دوري بحثا عن مدونات يضيفوها للحلقة و ده توقف

 

لم يتم الاعلان عن الحلقة بشكل واضح، والمجمع أسوأ من كده، لا أظن أني حتى شرحت هو ايه  و النتيجة أني بقابل ناس بتقرا مدونتي من غير ميعرفوا بوجود المجمع ده غير الناس اللي بتقرا المجمع و تفترض أن أنا و منال اللي كتبنا كل ده (في واحد من المحلليل المحافظين الجدد اللي ليهم تأثير كبير على السياسة في أمريكا كتب عني أني بدعم الفكر الديني المتطرف بناء على الفرضية دي).

 

أظن عدد المدونين المصريين أقرب ل300 و بصراحة مش فاهم ليه الواحد يكون عنده أكتر من مدونة غير مشتركة، يعني لو مدونة فيها ناس تانية مفهوم تبقى مفصولة ليه، لكن لو هي لوحدها متعمل مدونة واحدة و تقسمها